انطلاق "فعلًا مبيتنسيش" لتامر حسني ورامي صبري الإثنين المقبل

أعلن الفنان رامي صبري، عن موعد طرح أغنية «فعلًا مبيتنسيش»، وهي دويتو يجمعه بالفنان تامر حسني، حيث انتهيا من تسجيلها وتصويرها، خلال الأيام القليلة الماضية.

وشارك صبري عبر حسابه الرسمي على موقع "فيسبوك" بوستر الأغنية، وعلّق قائلًا: "دويتو أغنية فعلًا مبيتنسيش تامر حسني ورامي صبري يوم الاثنين 6 يناير 2025 الساعة 6 مساء على يوتيوب وجميع منصات الاستماع".

وكان رامي صبري، علق على تعاونه مع تامر حسني، عن طريق كتابة بوست، على حسابه الرسمي على موقع التواصل الاجتماعي «فيسبوك»: «أنا بشوف الصورة دي بشكل تاني خالص، أولًا، تامر فنان أخ وغالي ومحترم وواثق في نفسه، ودي للأسف مش موجودة كتير في مغنيين كتير ناجحين، ولكن عندهم مشاكل كبيرة وما يعرفوش يبقوا زي الراجل المحترم اللي ماسك المايك ده، تامر حسني فنان كبير جدًا جدًا، ولما اشتغلت أنا وهو في الديو اللي هينزل الفترة اللي جاية فهمت هو ليه محبوب جدًا».

وأضاف رامي صبري:«أولًا، علشان تامر حسني عنده صفاء نفسي مش موجود عندي أنا شخصيًا.. آه والله، أنا دايمًا ليا رد فعل، إنما هو بيسيب الحاجات زي ما هي وما بيحبش يرد، ودي حاجة صعبة جدًا جدًا».

واستكمل صبري: «عاوز أقول مش كل فنان أو نجم يستحق.. لأن دايمًا الأخلاق واحترام زمايلك هو الموضوع مش بس الفن.. شكراً تامر حسني على ذوقك واحترامك ليا دايمًا في التصوير، ودايمًا كنت تقولي أنت مبسوط؟ إيه رأيك؟ محتاج حاجة؟.. كل ده ما ينفعش يطلع غير من فنان حقيقي عنده إحساس بالناس، والأهم واثق من نفسه.. قريبًا جدًا هتشوفوا وهتسمعوا أغنية (فعلاً مابتنسیش) على جميع منصات الموسيقى في العالم».