«مش هسمح لحد يكسر فرحتي».. مي فاروق ترد على منتقدي حفل زفافها على محمد العمروسي

ردت الفنانة مي فاروق على الانتقادات اللي تعرضت لها بعد احتفالها بزفافها على الفنان محمد العمروسي، الخميس الماضي.

مي فاروق ترد على منتقديها

وقالت مي فاروق، في مداخلة مع الإعلامي عمرو أديب ببرنامج "الحكاية": "أنا اتجوزت وماعملتش حاجة غلط، وكل اللي حضروا كانوا مبسوطين وفرحانين، وأهم حاجة إن ولادي كانوا سعداء".

وأكدت مي فاروق، أنها مشغولة بسعادتها وسعادة من حولها، قائلة: "معرفش عندي أعداء ولا لأ، علاقتي بكل الناس طيبة، واللي شايف حاجة تانية هو حر برأيه".

وعن قرارها بالاحتفال علناً، أوضحت: "ليه مقولش إني بتجوز؟ طول الوقت بحاول أكون مظبوطة، ويوم ما قررت أتجوز كان عشان أعيش لحظة فرحة".

 وأضافت: "أهم حاجة عندي ولادي، ولو مكانوش مباركين للخطوة دي، مكنتش عملتها".

واختتمت مي حديثها برسالة لكل اللي بينتقدوها، قالت فيها إنها بتحترم آراء الجميع، لكنها مش هتسمح إن حد يكسر فرحتها.