نجوى فؤاد: «خايفة أموت لوحدي ومحدش يسأل فيا»

كشفت الفنانة نجوى فؤاد أنها تخشى مواجهة مصير الفنانة الراحلة تحية كاريوكا التي عاشت سنواتها الأخيرة في "وحدة" وبدون أموال.

وأوضحت "فؤاد" بقولها: "فين النقابة؟ إحنا لازم نشتغل في السن ده، مش متجوزين وفاتحين بيوت، وفي أدوية ودكاترة، والواحد كل ما بيكبر في أمراض بتيجي".

وتابعت: "دلوقتي أقل تحليل بـ5 ألاف جنيه، لازم يتسأل فينا من وزارة الثقافة ومن النقابة".

واستطردت: "إحنا على أيامنا أخدنا ملاليم، دلوقتي بياخدوا ملايين وبنسمع أرقام فلكية".

واستكملت: "راحت الفلوس، كان حوالي 7 مليون جنيه، في ذلك الوقت كان مبلغ كبير زي مليار دلوقتي، والمليار دلوقتي حاجة عادية".

واختتمت "فؤاد" أنها لا تعاني من ضائقة مالية، لكنها تخشى أن تصرف ما تبقى من مدخراتها ولا تجد نفقات مبيعاتها بقولها: "خايفة أموت لوحدي ومحدش يسأل فيا بعد ما صرفت كل فلوسي، ونفسي اشتغل زي زمان"، وجاء ذلك خلال استضافتها مع الإعلامية راغدة شلهوب في برنامج "سابع سما" عبر قناة النهار.