المنتجة دينا كريم تكشف سبب انسحاب المخرج هاني خليفة من مسلسل «ظلم المصطبة »

كشفت المنتجة دينا كريم عن سبب اعتذار المخرج هاني خليفة عن عدم استكمال مسلسل "ظلم المصطبة" واستكمال تصوير المسلسل بمخرج آخر.

سبب انسحاب المخرج هاني خليفة من "ظلم المصطبة"

وقالت دينا كريم، خلال لقاء أبطال العمل في برنامج "كلمة أخيرة" مع لميس الحديدي عبر قناة ON: "العمل اتصور في حوالي 10 أسابيع، هاني خليفة صور 3 أسابيع منهم بس هو أسس الموضوع وكتب معانا لحد الحلقة الـ12 وكنا كاتبين التتابع، إحنا قبل ما نشتغل كان في حوالي 15 معاينة عشان بس نوصل لموقع التصوير، هاني بيدور على الكمال في وقت يا الكمال يا المسلسل مش هيطلع للنور وكان إيه أولى بالنسبة ليا إحنا مضينا عقود وإحنا في رمضان ومفيش وقت".

وأضاف إياد نصار ليكمل حديثها: "الممثلين بيكونوا عاملين حسابهم أنهم موجودين في رمضان والشغل في رمضان بقى معروف لكل المخرجين معدش في مفاجأة إننا بنشتغل في ظروف معينة بقيت مفهومة بالنسبة للكل".