بعد تعرضه للسخرية بسبب صوته وطريقة غنائه.. حسن شاكوش: أحبالي الصوتية تعبانة
كتب: حسناء حسن
أصدر مطرب المهرجانات حسن شاكوش توضيحًا بشأن المقاطع الفيديو المنتشرة له على مواقع التواصل الاجتماعي وهو يغني وتعرض للسخرية بشكل كبير بسبب صوته وطريقة غنائه، مشيرًا إلى أنه يعاني من إصابة في الأحبال الصوتية.
وكتب شاكوش عبر حسابه على «إنستجرام»: «حبيت اوضح حاجه بس.. انا مبحبش اطلع وابين اني تعبان واقول على التعب اللي في صوتي والاحبال الصوتية عندي عامله كده ف صوتي ومخليني مش قادر اتكلم».
تابع: «بس ده كان فرح اخويا الصغير نور التوت وكان لازم اجي على نفسي واغني لكن مقدرتش زي ما انتوا شايفين».
أوضح :«عشان بس الفيديوهات منتشرة والناس بتتريق وده من حقكم طبعا ... بس الواحد لما بيجيلوا دور برد عادي مبيقدرش يتكلم اصلا وده الفيديو كمان عندي اهو».
