بعد حبسه في قضية نفقة.. إبراهيم سعيد لـ النائب العام: أنا اتظلمت اللي سجنوني زوروا ورق وشهدوا زور

علق لاعب الكرة السابق إبراهيم سعيد، على أزمته الأخيرة، وذلك بعد الإفراج عنه في قضية النفقة، معبرا عن حزنه الشديد وألمه فيما مر به.

وظهر إبراهيم سعيد في مقطع فيديو، وجه فيه رسالة للنائب العام، طالب فيه في فتح التحقيق مرة أخرى، قائلا: "رسالتي لسيادة النائب العام، ورجاء للدولة المصرية لأني أنا فعلا اتظلمت اللي سجني وشهد زور وزورا ورق، هما كده عادي، بتمنى الدولة تفتح تحقيق، وده طلبي حقي يرجعلي، زي ما اتحبست واتقهرت وكنت بموت، أنا والله العظيم أمي ومراتي وأنا في السجن مكنتش عارف عنهم حاجة، ومش عارف أمي عايشة ولا ميته، وفي رمضان كنت بعيد عن بيتي وعن ولادي وأمي، اتسجنت في رمضان وعيد صغير مش موجود في وسط أهلي".

وتابع: "أنا كنت ميت ودفنتوني، وربنا كبير على القهر اللي عشته مش عارف أقول إيه، محدش عاش الاحساس اللي عشته، وبقيت بسببكوا في الموقف ده، أنتوا ضيعتوا نفسكم، أعمل إيه رسالتي لدار الافتاء أدعي عليهم ولا ادعيلهم في اللي عملوه فيا، شيخ الأزهر ودا الافتاء، وأتمنى الرسالة توصل وكل اللي الناس اللي وقفت ضدي ارحموا الناس شوية، أنا في موقف صعب وابتلاء حقيقي صعب".

وكانت نيابة النزهة قد أصدرت قرارًا بالإفراج عن إبراهيم سعيد، عقب توقيفه على خلفية حكم قضائي نهائي صدر ضده في دعوى نفقة أقامتها طليقته، قبل أن تقرر النيابة إنهاء إجراءات حبسه وإخلاء سبيله.