المخرج خالد الحلفاوي: مستحيل أقبل حد يجسد شخصية والدي نبيل الحلفاوي

في تصريحات تلفزيونية مؤثرة، تحدث المخرج خالد الحلفاوي بصراحة عن فكرة تقديم السيرة الذاتية لوالده الفنان الراحل نبيل الحلفاوي، الذي وافته المنية في ديسمبر 2024، مؤكدًا رفضه القاطع لأي محاولة لتجسيد شخصية والده على الشاشة.

وقال الحلفاوي:"مستحيل أقبل أشوف ممثل بيجسد شخصية أبويا.. مش ممكن يقدر يقنعني إنه هو، ومهما كان ممثل عظيم، ده بالنسبة لي مش قابل للتحقيق."
وأضاف أنه قد يفكر في كتابة السيرة ذات يوم، لكنه لن يخرج العمل بنفسه:"حتى لو اتعمل، أنا مش اللي هخرج السيرة دي، لازم حد تاني يعملها."

قلق إنساني في مواقع التصوير: "بخاف على والدتي"

وفي جانب إنساني من اللقاء، عبّر الحلفاوي عن التوتر الذي يشعر به كلما شاركت والدته الفنانة فردوس عبد الحميد في أحد أعماله كمخرجة، قائلًا:"بكون قلقان جدًا، وبخاف عليها، عايزها تطلع مرتاحة وراضية عن اللي بتعمله، وده بيخليني دايمًا مش مرتاح وقت التصوير."

يرفض تصنيفه "مخرج كوميدي": "اتزنقت من أول عمل"

كما أعرب خالد الحلفاوي عن استيائه من تصنيفه كمخرج كوميدي فقط، مشيرًا إلى أن السوق الإنتاجي في مصر يُقيّد المخرج بنوع واحد من الأعمال.
وقال:"من أول فيلم 'زنقة ستات' وأنا اتحبست في خانة الكوميديا.. ده مش عيب، بس مش لازم أُصنف كده للأبد. أنا شايف إن المخرج لازم يكون قادر على تقديم كل الأنواع."

وأوضح الحلفاوي أنه لم يكن يخطط لهذا الطريق:"أنا بطبعي كسول.. مش من النوع اللي بيكتب أو بيدوّر بنفسه، اللي بييجي لي باختار منه، واللي جالي في البداية كان كله كوميدي."

"كامل العدد" ليس عملًا كوميديًا

في خطوة للابتعاد التدريجي عن الكوميديا، أشار إلى أن مسلسل "كامل العدد" لا يصنَّف كعمل كوميدي كما يظن البعض، موضحًا:"المسلسل مفيهوش ولا مشهد معمول علشان يضحّك.. أكتر حاجة أتعبتني كانت مشاهد الزحمة، فيه مشهد فيه 26 ممثل في صالة واحدة، ده مش عادي، ده رعب!"

كما تحدث عن صعوبة إدارة الأطفال والمواقع المتعددة خلال التصوير:"عدد الأطفال كان كبير، وكل واحد بييجي من مكان، وده كان بيعمل ضغط كبير جدًا وقت التنفيذ."