زوجة مسلم ترد على اتهامات شقيقته: كذابة وعاوزة تخرب بيتي
كتب: سماح غنيم
خرجت يارا زوجة المطرب "مسلم" عن صمتها، للرد على الاتهامات التي وجهتها لها شقيقته مؤخرًا عبر مواقع التواصل الاجتماعي، مؤكدة أن ما يُقال عنها لا يمت للحقيقة بصلة، وأن الهدف منه تحقيق مشاهدات على حساب سمعتها وسمعة زوجها.
وقالت زوجة مسلم في فيديو عبر صفحتها على فيسبوك: "أنا سكت كتير واتخاض في عرضي وشرفي من أخت جوزي، وكل اللي قالته عني كذب. كنا صحاب في البداية، ومكنش في بينا أي خلافات، وأنا مكنتش وحشة".
وأضافت: "هي بتدور على ريتش ومحتوى حتى لو على حسابي. الموضوع بقى مقرف وفضلت ساكتة عشان ميتضخمش، لكنه كبر لوحده".
وكشفت زوجة المطرب أن مسلم حاول التدخل لحل الخلاف، إلا أن الأمور تصاعدت، وقالت: "مسلم كلمها عشان نحل المشاكل، ردت عليه وقالتله: (معايا صور لمراتك مع رجالة)".
وتابعت: "أخوها قالها ابعتيلي اللي عندك وأنا هطلقها.. عيطتله وقولتله: هاتلي حقي".
واختتمت قائلة: "دي كدابة وعاوزة تخرب بيتي، وبتقول لمسلم يطلقني.. أنا مهما حصل مبعرفش أمثل على الناس وأطلع بدور الضحية".
