هدى المفتي عن أغنية «البخت»: «ويجز خطير وموهوب.. لكن الأغنية مش ليا خالص»
كتب: أمنية مدحت
تحدثت الفنانة هدى المفتي عن الجدل الذي أُثير عقب طرح أغنية «البخت» لمطرب الراب ويجز، والتي ربط عدد كبير من الجمهور بينها وبين الأغنية، مرجحين أنها موجهة لها.
هدى المفتي تكشف حقيقة ارتباطها بـ ويجز
وقالت هدى خلا لقائها ببرنامج «صاحبة السعادة» من تقديم الإعلامية إسعاد يونس: «ويجز فنان خطير وموهوب جدًا، بس الأغنية مش ليا خالص، ومتغنتش علشاني».
وأوضحت كواليس اللحظة التي علمت فيها بانتشار هذا الربط الغريب، قائلة: «أنا كنت نايمة، وصحيت علشان عندي شغل، ولقيت أكتر من 300 رسالة على تويتر! كنت بسأل نفسي هو أنا عملت إيه؟!، قلت يمكن الموضوع ليه علاقة بصاحبتي اللي كانت ضايعة تليفونها وكان عليه صور شخصية».
وتابعت: «بعدها سألت واحدة صاحبتي وقالتلي في أغنية نازلة والناس بتقول إنها متغنية ليكي، بس بكرر تاني الأغنية مش ليا، خالص».
View this post on Instagram
