محمد رمضان للشامتين في وفاة شاب بحفله: هيقابل ربنا شهيد وكان بيشوف شغله مش فاشل زيك
كتب: نسرين إبراهيم
حرص النجم محمد رمضان، على تقديم واجب التعازي، لأسرة الشاب الراحل حسام حسن، أحد الأشخاص في الفريق التابع للجهة المنظمة للحفل والمسؤولة عن التقنيات البصرية في حفل، وذلك نتيجة انفجار أسطوانة غاز خاصة بـ"الفاير وركس".
وشارك محمد رمضان، جمهوره بمقطع فيديو جديد على "إنستجرام"، مقدما واجب العزاء من خلاله في الراحل، قائلا: "بقدم التعازي لأهل حسام ربنا يرحمه ويسكنه فسيح جناته ويصبر أحبابه وأهله وأصحابه يا رب، ويشفي المصابين".
وكشف رمضان عن الإجراءات التي اتخاذها فور وقوع الحادث، قائلا: "وطبعا لما شفت الحادث وقفت الحفلة على طول واتعاملت زي أي إنسان ونزلت مع الناس وساعدت في نقلهم للأسعاف، ووقفت الحفلة وهديت من ذعر الناس علشان أثناء خروجهم ما يحصلش تكدس وحوادث تاني".
وانتقد رمضان، الشامتين فيما حدث للشاب الراحل، قائلا: ""وبشكر الناس اللي متفهمة اللي دعت لحسام وتفهمت الموقف وإن ربنا ألهمنا بالصح، وزعلان من الناس اللي الوحشة اللي كلامها وحش وشمتانين في المتوفي وبيقولوا هتقابل ربنا إزاى وانت في حفلة، هيقابل ربنا شهيد، الراجل في أكل عيشة وبيشوف شغله مش فاشل زيك قاعدت تكتب وتقول كلام وتحدد هيروح فين ويجي منين وعارف مين هيدخل الجنة ومين هيدخل النار، لو أنت راجل فعلا بتحب دينك، دينك قالك الكلمة الطيبة صدقة، عندك كلمة حلوة قولها معندكش كلمة تخرس خالص، ربنا يرحمه مرة تانية وقلبي مع والده وعيلته".
View this post on Instagram
