عمرو يوسف: أحمد السقا بوظ لنا دماغنا بالأكشن.. ومصطفى غريب حنفية إفيهات

كشف النجم عمرو يوسف عن أنه تأثر بالنجم أحمد السقا في ميله لتصوير مشاهد الأكشن التي يقدمها على الشاشة بنفسه، كما تحدث عن علاقته بالفنان مصطفى غريب بعد تعاونهما في فيلم "درويش" الذي يعرض حاليا في دور السينما.

وقال عمرو يوسف خلال لقائه مع الإعلامي عمرو أديب في برنامج "الحكاية" المذاع عبر قناة MBC مصر: "أحمد السقا الحقيقة في حتة تانية في موضوع الأكشن، ده ولع في نفسه في إبراهيم الأبيض، وأنا بعمل كل حاجة بسببه، هو اللي بوظ لنا دماغنا".

وأضاف عمرو يوسف: "إشمعنا هو ينط من البلكونة ويولع في نفسه؟ وأنا إن شاء الله الفيلم الجاي هحاول أولع في نفسي".

عمرو يوسف يتحدث عن مصطفى غريب ومشاركته له في "درويش"

وتحدث عمرو يوسف عن مصطفى غريب، قائلا: فنان عسل أودام الكاميرا وورا الكاميرا، حنفية إيفيهات لازم تقفلها وتخنار الوقت اللي تقفلها فيه، محتاج يغير جلدة، ومن أطيب الناس اللي قابلتهم في حياتي"، حسب تصريحاته لبرنامج "الحكاية" الذي يقدمه الإعلامي عمرو أديب.

وتابع عمرو يوسف: ممكن أقول لك على حاجة محدش في الدنيا يعرفها، بداية معرفتي بمصطفى غريب قبل ما يتشهر، كانت من حوالي 5 6 سنين، وكان بيعمل مشهد أو مشهدين حاجات بسيطة أوي، اتعرفت عليه أنا ازاي بقى؟ كان بيذاكر لي اللغة العربية، مصطفى غريب شاطر جدا، وعلى فكرة أنا شاطر جدا في العربي والنحو والصرف، بس هو أسطورة، وأقوى من أي مدرسة عربي كمان في الإلقاء والأداء، الكلام دا يقعده في البيت ومش عايز يسمع الكلام دا دلوقتي، وكان معروف في الوسط الفني إن أنت لو محتاج في اللغة العربية، وكان في بيننا قعدات كتير جدا للنصوص وتغيير الحرف وضبط الكلمات