أبرز تصريحات كارول سماحة خلال لقائها مع منى الشاذلي: كان مجهز كل شيء قبل العملية، حتى وصيته

حلت النجمة اللبنانية كارول سماحة ضيفة على الإعلامية منى الشاذلي في برنامج "معكم"، حيث فتحت قلبها وتحدثت بصراحة عن أصعب فترات حياتها، التي مرت بها خلال مرض زوجها الراحل الدكتور وليد مصطفى، ووفاته، وكيف تجاوزت هذه المحنة تدريجيًا وعادت إلى الساحة الفنية.

أبرز تصريحات كارول سماحة خلال اللقاء:

• "وليد كان مجهز كل شيء قبل العملية، حتى وصيته، وقسّم كل حاجة، كأنه كان بيحضّر نفسه للنهاية".

• "آخر كام سنة كنا عايشين حالة مش طبيعية.. وكأنه كان بيخطط لرحيله، رغم الأمل اللي كان عنده، لكنه كان حاسس إنه مش هيعدي منها".

• "الفترة اللي سبقت العملية كانت من أسوأ سنين حياتي.. سنتين من النحس الحقيقي. كنت بلحن وأكتب، وعندي كم من المشاعر اللي مش قادرة أقولها لحد لأنها بتوجع".

• "بعد وفاته، لما قررت أرجع للشغل، ماكنش يهمني غير بنتي تالا، في ناس بتتكلم وبتحكم.. لكن محدش يعرف أنا وبنتي بنعيش إيه في الليل، في لحظات الحزن والانكسار".

• "الإنسان في لحظة زي دي يا بيغرق، يا بيقاوم وبيقف على رجليه.. وأنا ماكنش عندي غير خيار واحد، إني أكمّل".

• "خدت قراري بالرجوع للفن، لأنه محدش عاش اللي أنا عشته.. في 2018 لغيت كل ارتباطاتي وقعدت سنة في البيت، قلت هعمل شغلي وأرجع أعيط في أوضتي".

• "قلت لنفسي: دلوقتي أنتي مش كارول الزوجة، أنتي كارول الفنانة، اللي عندها دور لازم تكمله".

• "الحياة مش هترجع زي ما كانت.. خصوصًا بعد وفاة وليد، على الأقل مش في الوقت القريب".

• "مصر بلدي، لكن لما رجعت بعد وفاة وليد حسيت بغربة، حسيت إن البلد مش هي نفس البلد اللي عرفتها.. أنا شفت مصر وحبيتها بعيون وليد".