إلهام شاهين تشيد بمنة شلبي وتكشف: ضربتها بالكرباج بجد في "بطلوع الروح"

أعربت الفنانة إلهام شاهين عن تقديرها العميق للفنانة منة شلبي، خلال ندوة تكريمها ضمن فعاليات مهرجان الجونة السينمائي، مؤكدة إعجابها الكبير بموهبتها وشجاعتها الفنية، إلى جانب احترامها لها على المستوى الإنساني.

وقالت شاهين في كلمتها:
"أنا بحب منة على المستوى الإنساني من زمان، لكن حبي زاد لما اشتغلت معاها. دورها في مسلسل (بطلوع الروح) كان شديد الصعوبة، خصوصًا مشهد الكرباج، اللي كتير من الفنانات ممكن يرفضوه، لكنها أصرت إنه يتنفذ بشكل حقيقي، وده دليل على صدقها وشجاعتها كممثلة."

وأضافت:
"كاملة أبوذكري كانت مصرة على الواقعية، وقالتلي اضربيها بجد علشان ننجز التصوير، وبالفعل منة اتشلفطت واتعورت، وأنا شخصيًا كنت رافضة، لكن هي اللي طلبت ده بنفسها، وكانت مصرة توصل الإحساس الحقيقي."

كما استرجعت إلهام شاهين بعض ذكرياتها الشخصية مع التمثيل، قائلة:
"مشهد منة فكّرني لما ولعت في نفسي في مسلسل (أديب)، وقتها شعري اتحرق فعلًا، الناس ساعات مش بتدرك حجم التضحيات اللي بنقدمها علشان نوصّل الإحساس للمشاهد بصدق."

الندوة كشفت عن علاقة احترام ومحبة متبادلة بين اثنتين من أبرز نجمات الفن في مصر، وسلّطت الضوء على كواليس التمثيل التي لا تظهر أمام الكاميرا، لكنها تعكس مدى التزام الممثلين بالفن الحقيقي.