"أنا اتسجنت قبل كده".. سما المصري تعلق على حبس هدير عبد الرازق
كتب: أمنية مدحت
علقت الفنانة سما المصري على حكم تأييد حبس البلوجر هدير عبدالرازق لمدة عام، مؤكدة أن الحكم أثار ضجة كبيرة على مواقع التواصل الاجتماعي.
وقالت سما المصري في مقطع فيديو نشرته عبر حسابها على موقع إنستجرام: "السلام عليكم، بصوا هو الموضوع بسرعة كده عشان ما أطولش عليكم.
وتابعت: أنا لما عملت الفيديو من يومين عن رأيي في التسريبات الموجودة للفنانة دي وغيرها، الحمد لله الكومنتات طلعت كويسة، والناس مبسوطة إن فكري بدأ يتغير، وناس طلبت مني أعلق دايما على الأحداث اللي دايرة في المجتمع بطريقتي، مع إن أنا شايفة نفسي أقل من كده.
وأضافت: النهارده كان في الترندات كذا حاجة، منها محاكمات كتير للبلوجرز، أولهم هدير عبد الرازق، وأم مكة، وتجديد نظر تجديد حبس شاكر، وقضية الرجل المسن اللي اتعرض للضرب بالقلم على وشه في السويس.
وأردفت الفنانة سما المصري: بالنسبة لأخر حكم اللي طلع النهارده، هدير عبد الرازق، وكفالة 5 آلاف جنيه، وغرامة 100 ألف جنيه، وبعد كده قدمت استئناف، وهي محبوسة، ثم الاستئناف تم تأييده.
وأكملت: كانت لها معارضة استئنافية لأن الحكم كان غيابياً، وعملت معارضة استئنافية، وكان لها جلسة النهارده 5 نوفمبر، والحكم اتأكد وتم تأييده، ومدة الحبس سنة والغرامة 5 آلاف جنيه".
وأوضحت سما المصري أن هدير حضرت الجلسة، وقالت: هي دلوقتي هتتحبس، ممكن تاخد سنة، وممكن تاخد ستة شهور حسب حيثيات الحكم.
وأكدت سما المصري أن البلوجر كان لديها جلسة تحقيق قبل أيام في قضية غسيل أموال، وتم إخراجها بكفالة 20 ألف جنيه، مع التحفظ على أموالها، موضحة: هي محبوسة، واحتمال كبير والله أعلم هتتحاكم في قضية غسيل أموال خلال السنة دي.
وتابعت: هدير لسه لها نقض هتعمله، لكنها داخلية، والنقض غالبًا بياخد وقت طويل. ممكن لو قضية غسيل الأموال اتقفلت، تخلص السنة وتخرج، ويجيلها النقض بعد كده، النقض عادة في الجنح بيتأخر".
واختمت سما المصري حديثها قائلة: ده مجرد توقع من اللي شفته، وأنا اتحبست قبل كده وعارفة كنت بقعد مع ناس بتوع قضايا كتير، والله العلم عند ربنا، لكن الظاهر إنها هتتحاكم في قضية غسيل الأموال أثناء حبسها.
View this post on Instagram
