حسين فهمي: كل الأفلام اللي اتعمل لها ترميم تم ترجمتها عشان الأجانب يتفرجوا عليها

تحدث الفنان حسين فهمي، رئيس مهرجان القاهرة السينمائى الدولي، عن الأفلام المرممة والتكريمات بالدورة الـ 46 من المهرجان.

وقال حسين فهمي في تصريحات خاصة لراديو النيل: "كل الأفلام اللي اتعمل لها ترميم اتعمل لها ترجمة، عشان أكبر عدد ممكن من الأجانب يتفرجوا عليها، ويقدروا يستوعبوها، إلى جانب الجمهور المصري، وطلبة أكاديمية الفنون ومعهد السينما، لأن مهم جدا إننا نحافظ على تراثنا".

وأضاف: "لم يسعفنا الوقت ندخل فيلم شفيقة القبطية لهند رستم وواحد من أهم الأفلام لحسن الإمام، ولكنه في طور التجهيز زيه زى القاهرة 30 لصلاح أبو سيف، كمان فيلم شيء من الخوف لحسين كمال، والحرام لبركات، وكلها أفلام عظيمة جدا".

وتابع: "التكريمات مهمة جدا لتقدير رموزنا القديرة؛ والفنان خالد النبوي ممثل متميز، استطاع أنه  يثبت وجوده بقدرة عالية جدا من الأداء، كمان المخرج الكبير محمد عبدالعزيز تاريخه مشهود له في كل الأفلام اللي عملها، وكلاهما يستحق  التكريم والتقدير".