محمد سليمان يوجه رسالة للشباب: مش إنتوا اللي عاجزين عن الجواز ده الزمن بقى فوق طاقة البشر
كتب: نسرين إبراهيم
وجه الفنان محمد سليمان، نصيحة للشباب، بسبب عدم قدرتهم المادية على الزواج، في ظل الظروف المعيشية الصعبة.
وقال محمد سيلمان في رسالة للشباب، عبر حسابه الرسمي على "فيسبوك"، قائلا: "كلامي للشباب.. مش إنت اللي عاجز عن الجواز.. ده الزمن اللي بقى فوق طاقة البشر.. أنا حاسس باللي بتعدّوا بيه.. ومحدش فيكم يقلّل من نفسه.. أنتم أبطال".
محمد سليمان يزوج ابنته بلا مهر أو قائمة منقولات
وفي تصريحات سابقة، كان قد كشف محمد سليمان عن تفاصيل زواج ابنته "صوفيا" على الطريقة الإسلامية بلا مهر أو قائمة كما هو شائع في عادات الزواج، وفضل أن يختار صفات شريك حياة ابنته على العادات.
قال محمد سليمان في تصريحات التلفزيونية: "الطريقة الإسلامية تعني أنني أنظر للولد نفسه، مش بيهمني مين أبوه ولا معاه فلوس ولا ممعهوش، المهم الولد متربي ولا مش متربي، ده اللي هيفرق في حياته مع بنتي، ممكن يكون إنسان مش كويس وبيجيب لبنتي كل حاجة، العادات والتقاليد اللي بنفكر فيها، مش بتخدم أولادنا على قد ما بتمثل قيود عليهم".
وأضاف محمد سليمان :" أنا طيب، بس أنا منطقي، مش بحب أتكلم في موضوعات مش مفهومة، 1+1 يساوي 2، أنا محطتش شروط في جواز بنتي، لا قائمة ولا فرضت عليه مهر ولا الكلام ده كله، أنا جوزتها بالطريقة الإسلامية".
كما قال الفنان محمد سليمان، إنه قبل أن يزوج ابنته، سأل أصدقاءه الآباء عن طريقة التعامل مع العريس الذي تقدم لخطبة بناتهم، وكان ردهم: "ده احنا هنطلع عينه".
