بعد خضوعها لعملية جراحية.. رانيا فريد شوقي توجه رسالة لشقيقتها عبير

وجهت الفنانة رانيا فريد شوقي رسالة مؤثرة لشقيقتها عبير، عقب خضوع الأخيرة لعملية جراحية بسيطة، معبرة عن امتنانها للعلاقة القوية التي تجمعهما، وللدور الذي تلعبه الأخت في حياة الأسرة.

ونشرت رانيا عبر حسابها على "فيسبوك" كلمات تحمل الكثير من الدفء، قالت فيها:
"بعد الأم، الأخت بتكون الحضن اللي باقي، والحنان اللي ما بيخلصش. بتفهمك من غير كلام، وبتخاف عليك أكتر من نفسها. تفرح لفرحك وتزعل لزعلك… وجودها بيخلي روح الأم لسه حواليك. الأخت حتّة من الأم، وده بيرجع للتربية… زرع وحصد."

وأضافت في منشورها مؤكدة على دور الأم في غرس الرحمة داخل أبنائها:
"الأم اللي زرعت الحنية في بنتها وابنها، بتسيب في الدنيا نسخ منها… ربنا يحفظ كل أم زرعت حب، وكل أخت طلعت أم تانية، وكل أخ كان أبًا لأخته."

وكشفت رانيا عن حالة شقيقتها الصحية، قائلة:
"أنا وعبير… أمهات بعض. شكرًا يا أمي على الحنية اللي زرعتيها فينا. عبير عملت عملية بسيطة النهاردة… الحمد لله. ربنا يعافيكي ويحفظك من كل شر يا حبيبتي."

واختتمت رانيا رسالتها بنصيحة مؤثرة للجمهور:
"ادّوا أخواتكم حضن النهارده… يمكن يكونوا محتاجينه من غير ما يقولوا."