"عايروني بحاجة تانية".. عمر حسن يوسف يرد على دخوله التمثيل بالواسطة

 علق الفنان عمر حسن يوسف، على اتهام أحد الفنانين بدخوله مجال التمثيل بالواسطة، أي بدعم من والده الفنان الراحل حسن يوسف.

وشارك عمر حسن يوسف، جمهوره بمقطع فيديو عبر حسابه الرسمي على "فيسبوك"، رافقه بتعليق قال فيه: "ردي علي الناس اللي بتقول اني دخلت التمثيل بالواسطة، عشان نقفل القصة ديه خالص".

وقال في الفيديو: "أنا أول مرة بعمل فيديو وأنزله، المهم أنا بعمل علشان حاجة بسيطة جدا وممكن ما تفرقش مع أي حد خالص، بس حابب أوضحها وأوضحها ليه لأننا في زمن أي حد ممكن يكتب أي حاجة والناس ساعات بتعايرني بحاجة مش صح، وهوضحها علشان تعايروني بحاجة تانية جديدة".

وأضاف: "كنت علقت على كلام زميل فنان ليا كلام عن كروي عن منتخب مصر وحسام حسني، وأخدت الكلام وكتبت رأي في الكلام اللي قاله مش فيه هو شخصيا، والكلام جاب بعضه في التعليقات، ودخل علق عليا قال لي على الأقل ما دخلتش أمثل بالواسطة زيك، واستغربت لأنك ممثل عندك 60 سنو وبتقول إنك ممثل ناجح وأكيد عارف الوسط وعارف مين دخل بالواسطة ومين لا.. ولو مش عارف عيب على سنك تطلع تقول الكلام ده".

وتابع: "قولت لازم أطلع أوضح القصة دي، والناس اللي دخلوني الشغلانة أساتذتي موجودين، الدكتور محمد العدل، هو أصلا سبب إني مثلت، القصة باختصار أنا كنت شغال في الماركتينج 3 سنين، وكلمني محمد العدل وكنت مسافر وقتها، وطلب يشوفني وسألني لو عايز أمثل، وقولته أه عايز أمثل، وعمري في حياتي ما روحت قولت لوالدي عايز أمثل في يوم من الأيام، أو كلم ليا حد، ودراستي كلها مالهاش علاقة بالتمثيل".

واستكمل: "وقابلته وعرض عليا فيلم.. وما اتعملش وقتها وهو من تأليف تامر حبيب وبيتعمل دلوقتي، الفيلم ده أخدته اديته لوالدي لأن مش عارف إيه التمثيل وإيه اللي بيحصل، وقرا السيناريو ولاقى إنهم مشبهيني بحسن يوسف، داخل السيناريو، ووالدي قالي لأ.. ولوة هتمثل ما تبداش بالطريقة دي ورأيي أصلا تركز في شغلك وتبني مستقبلك الأول، وقالي ما تعملش، وبالفعل أخبرت الدكتور محمد العد بهذا القرار، وبكلام والدي، الفيلم أصلا لم يخرج للنور".

وأضاف: "وكان رد الدكتور محمد العدل، إلى أن نجد عمل شبابي مناسب، سوف أمضي معك عقد احتكار لمدة 3 سنوات، ووالدي اعترض تماما على هذا العرض أيضا، وقالي لي أنا كان عندي تجربة مع الاحتكار زمان مع الاستاذ رمسيس نجيب ولا أرجح لأي ممثل أن يمضي احتكار، وفي نفس الوقت كنت متحمس جدا للفكرة خاصة إنني لم أطلب شئ من أحد، وقولت أجرب ومضيت العقد من غير ما اقول لوالدي، وقالي طب ليه أنا نصحتك لكن بالتوفيق.. ومن وقتها اشتغلت من غير ما والدي يكلم ليا حد".

وأردف: "لو والدي بيتوسط ليا.. كنت هشتغل وأنا أصلا مش بشتغل بقالي شوية، والدي متوفي من سنة، فكنت على الأقل هكون بشتغل السنين اللي فاتيت ده رقم واحد.. رقم اتنين الناس اللي اشتغلت معاهم أحياء يرزقون، ممكن تسألوهم ولو كلم حد.. الحد ده يطلع يقول".