أول تعليق من عايدة رياض على شائعة وفاتها: قلة الأدب وناس فاضية

عبرت الفنانة عايدة رياض عن استيائها الشديد من شائعات الوفاة التي طاردتها خلال الساعات الماضية، عبر عدة صفحات على مواقع التواصل الاجتماعي.

وكتبت عايدة رياض، عبر حسابها الرسمي على "فيسبوك" تعليقا على أنباء وفاتها: "عايدة رياض في ذمة الله!، مش عارفة بجد إيه قلة الأدب الي احنا وصلنا ليها دي استفدت إيه لما تقول عليا اني توفيت ارتقو شوية.. وشوفولكو شغلانة تعملوها بدل ما انتو فاضيين مش سايبين حد ف حاله.. نفيا لأي شائعات الحمدلله انا كويسة و بخير".

عايدة رياض تعلق استخفاف البعض بحزن الآخرين

وكانت قد استنكرت الفنانة عايدة رياض، مؤخرا تصرفات البعض بشأن الاستخفاف أو التقليل من حجم حزن الآخرين وغضبهم من بعض الأشخاص والمواقف.

وقالت عايدة رياض، في رسالة غامضة لها عبر حسابها الرسمي على "فيسبوك"، قائلة: "مش من حقك تحدد حجم زعل اللي قدامك ولا من سلطتك تقول إذا الموضوع يستاهل يزعل منه ولا يتحط ورا الضهر طول ما الضرر مش واقع عليك الأفضل تسكت لأن مفيش حد بيصحي الصبح عنده رغبة إنه يدايق نفسه".

وأضافت: "إنت لا في مكانه ولا حاسس بإحساسه والزعل بيتقاس على قد المحبة لو الشخص ده ليه قيمة عندك هتتشقلب علشان تهديه وتراضيه ولو مش فارق معاك خلاص سيبه براحة قلبه".

وتابعت: "لكن أبدا أبدا ماينفعش تستخف بزعل حد وللأسف في ناس كل دورها إنها تقلل من إحساسنا وتكبر نفسها علينا وخلاص".