محمد إمام عن جدل الأعلى أجر: اللي وصلت له ما كانش سهل.. والمنافسة بتخلينا نطلع أحسن ما فينا

علق الفنان محمد إمام، بأسلوب ساخر على جدل الفنان الأعلى أجرا، بعد خروج أحد الفنانين وتأكيد أنه الأعلى بين النجوم الموجودين على الساحة".

وردا على ذلك، قام محمد إمام بمشاركة خبرا يؤكد أنه الأعلى أجرا أيضا، مما أثار جدلا واسعا، واعتبره الجمهور أنه يرد على أحد الفنانين.

وفي رد فعل جديد، قال محمد إمام في تعليق جديد له عبر حسابه الرسمي على "فيسبوك"، مازحا: "أانا مش عارف ليه في ناس فهمت إن أنا نزلت بوست لشخص محدد.. أنا عامله ليهم كلهم".

وأضاف: "نتكلم جد شويه.. أنا عمري لا حطيت حد ولا هحط حد في دماغي وده اللي اتعلمته من أبويا ربنا يخليه لينا.. إني أكون ابن أكبر نجم في التاريخ ووصلت للي أنا فيه دلوقتي ده ما كانش سهل أبداً وبحمد ربنا عليه كل يوم.. وده كان بفضل حبكم ودعمكم ليا بعد فضل ربنا سبحانه وتعالى .. يعني انا أصلاً فيا اللي مكفيني وحقيقي بتمنى الخير للجميع".

وتابع: "المنافسه دي بتخلينا نطلع أحسن ما فينا وكل ده في صالح الجمهور العظيم اللي زيكم.. بشكر كل اللي بيحبني.. أنا بحبكم اكتر بكتير وأنتوا أهم حاجه في حياتي بعد عيالي.. الحمدلله".