هاني رمزي يكشف وصية والدته: كل ذهبها كان للفقراء والمحتاجين
كتب: حسناء حسن
تحدث الفنان هاني رمزي عن وصية والدته التي أوصت بها قبل رحيلها، موضحًا أنها تبرعت بكل ما تملكه من ذهب، وأن ما كانت ترتديه في يدها لم يكن ملكها، بل أوصت بأن يُوزع على الفقراء والمحتاجين بعد وفاتها.
وقال هاني رمزي، خلال مداخلة تلفزيونية في برنامج «تفاصيل» مع الإعلامية نهال طايل على قناة «صدى البلد 2»: «أمي طول عمرها اللي في إيدها مش ملكها خالص، ومكانتش بتشتري لنفسها حاجة، ولما كنا بنشتريلها حاجة كانت تقول ليه كده؟ أنا مش محتاجة خالص، في ناس تانية أولى. فجأة سألنها فين دهبك يا ماما تقول اتزنقت في فلوس وبعتهم».
وأضاف رمزي أنه اكتشف لاحقًا أن والدته كانت تبيع ذهبها لتوزيعه على المحتاجين، مشيرًا إلى أنها كانت دائمًا تنفق على الآخرين ونادرًا ما كانت تشتري لنفسها شيئًا. وأكد أن والدته كانت سيدة كريمة وسخية، تقف إلى جانب أصدقائها وحتى الأشخاص الذين لم تعرفهم، وكانت تساعد كل من يسمع عن ضيق حاله.
واختتم هاني رمزي حديثه قائلاً: «أنا محظوظ لأن ربنا أكرمني بأم عظيمة، وهي دلوقتي أكيد بتدعيلِي ومش هتسبني، وهي في مكان أحسن، وده اللي مصبرني ومعزيني. عملت حاجات كتير حلوة في حياتنا وحياة أي شخص، والناس كلها بتقول ده وتتكلم عن الخير اللي عملته لأنها ست كريمة وعمرها ما زعلت حد أو عملت تصرف يضايق حد».
