صلاح: مقدرش أقول أننا مرشحين للبطولة.. ومش بقلل من لعيبة مصر

علق محمد صلاح قائد منتخب مصر على الفوز على كوت ديفوار بثلاثة أهداف لهدفين في ربع نهائي أمم إفريقيا.

وبهذا الفوز تأهل منتخب مصر لملاقاة السنغال في نصف نهائي أمم إفريقيا، في مباراة تقام يوم الأربعاء المقبل.

وقال صلاح في تصريحات تليفزيونية عقب المباراة: "مقدرش أقول أننا مرشحين للبطولة بنسبة 100% ، المنتخبات المؤهلة عندها لعيبة محترفة كتير وبتلعب في مستوى عالي".

وأضاف: "لعيبتنا محليين وده مش تقليل منهم لكنهم بيأدوا بنسبة 100% في الملعب زي ما حصل قدام كوت ديفوار".

وتابع: "الحمد لله دافعنا بكل حاجة عندنا في ماتش كوت ديفوار ودخل فينا هدفين صعبين، لكن الحمد لله قدرنا نكسب".

واختتم تصريحاته بقوله: "منتخب السنغال قوي ولكن إن شاء الله نقدر نكسب ونتأهل للنهائي".