بعد انتقاله إلى بيراميدز.. ناصر ماهر يودع الزمالك برسالة مؤثرة
كتب: محمود جودة
حرص ناصر ماهر لاعب فريق الزمالك السابق على توجيه رسالة لجماهير القلعة البيضاء بعد رحيله عن الأبيض والانتقال لبيراميدز في فترة الانتقالات الشتوية الحالية.
وكتب ناصر عبر حسابه على موقع "انستجرام :" مش عارف أبدأ منين، لأن في حاجات مش سهلة تتقال، خصوصًا لما تكون بتتكلم لجمهور عظيم زي جماهير الزمالك داخل القارة وخارجها اسمحولي أعبّر عن حبي واحترامي ليكم… والله مش مجرد كلام.
من أول يوم دخلت فيه النادي وأنا حاسس إن المكان ده فيه حاجة تتحب يمكن عشان ده كيان كبير أو عشان لاعبين كبار وشخصيات محترمة بتتحمل أكتر من أي حد أو عشان الجمهور المختلف بأجواءه ودعمه ومتعتُه ..بس في الآخر الكوره ممكن تخليك تسيب مكان انت بتحبه وده جزء من اللعبه ، أنا بحبكم جدًا والله.
النهارده آخر يوم ليا في نادي الزمالك، النادي اللي تشرفت إني ألبس التيشيرت التاريخي بتاعه، ودافعت عنه بكل إخلاص وحبإنتوا خلتوني نجم بجد، ودايمًا بقول إن ربنا أكرمني بجمهور الزمالك.
يمكن الرحلة خلصت دلوقتي بسبب ظروف النادي الصعبةوأتمنى اكون جزء ولو بسيط في حل الأزمه المالية، واقدر أساعد النادي لأن الزمالك كبير ويستحق إن الواحد يضحي عشانهوبالنسبة لي، الرحلة لسه فيها فصل تاني… إمتى؟ الله أعلم.
، بشكر كل زملائي اللاعبين الرجالة بجد في كل المواقف وبشكر إدارة النادي الزمالك برئاسة الكابتن حسين لبيب،
وبشكر جميع المدربين اللي تدربت معاهم.
شكراً. ك چون ادوارد
شكراً ك. عبد الناصر محمد
شكراً ك احمد سليمان اللي خلاني اكون متواجد داخل نادي الزمالك وكمان بشكر الأوفياء… جمهور الزمالك العظيم، الداعم الأول للنادي.
آخر حاجة هقولها: أنا دخلت النادي وقلت “أنا بحب الزمالك”، ودلوقتي وأنا ماشي بقول: هفضل أحب الزمالك".
وكان نادي بيراميدز أعلن عن التعاقد مع ناصر ماهر لاعب الزمالك في إطار خطة دعم فريق الكرة بأفضل اللاعبين في مختلف المراكز في ظل الارتباطات العديدة محليا وقاريا.
