غادة عبد الرازق لأسما إبراهيم: طريقة كتابة المسلسلات بقت كارثة وأنا برفضها

وقالت خلال لقائها مع الإعلامية أسما إبراهيم في برنامج حبر سري المذاع عبر قناة القاهرة والناس:«زمان الكاتب كان بيكتب مسلسل أو اتنين وهو مخلصهم بالكامل، وبعد كده يعرضهم على النجم أو شركة الإنتاج».

وأضافت: «دلوقتي بقينا في مرحلة إن الكاتب لازم يعرف مين النجم قبل ما يبدأ يكتب، وده بالنسبة لي كارثة وأنا برفضه تمامًا».

وتابعت موضحة: «الطريقة دي بتسبب مط وتطويل في الأحداث، لأننا بنصور والمسلسل بيتعرض في نفس الوقت، مبقاش الدور هو اللي بينادي صاحبه زي زمان، لكن الكاتب بيستنى يعرف النجم ويمضي عشان يكتب له الحلقات».

واختتمت حديثها قائلة: «المفروض يبقى عندك سنة كاملة تكتب العمل وتراجعه ويتعمل عليه تعديلات، مش تكتب مسلسل مخصوص على اسم نجم معين».