كريم فهمي يحسم الجدل: لم أتعرض لأي تحرش أثناء عملي كطبيب

قال الفنان كريم فهمي خلال لقائه مع الإعلامية أميرة بدر في برنامج أسرار على شاشة قناة النهار:"أنا محصلش معايا أي تحرش أو مضايقات خالص، وده كلام واضح وصريح. لما بتكلم في أي برنامج، أحيانًا العنوان بيطلع بشكل مختلف تمامًا عن اللي اتقال، وبيبقى مكتوب: كريم فهمي تعرض للتحرش، والناس بتاخد الكلام من العنوان بس."

وأضاف: "أنا وقت ما اشتغلت مع الدكتور ده كان هدفي أتعلم وأكتسب خبرة عملية، وكان راجل لطيف جدًا، مفيش أي أسئلة غريبة أو مواقف غير مهنية حصلت بينا."

وتابع: "كان فيه موقف حصل مع صديق ليا أثناء شغله مع نفس الشخص، لكن أنا مشيت قبل الموقف ده، فملوش أي علاقة بيا."

واختتم حديثه قائلاً: "كل اللي بيتنشر على السوشيال ميديا لازم يتفهم في سياقه الصح، وأنا عمري ما اتعرضت لأي موقف مشابه لا وقتها ولا بعد كده، ودايمًا بحب أصحح أي معلومة غلط بتتقال عني."