أحمد سعد: سيبت الإعلانات وركّزت في 5 ألبومات جديدة
كتب: حسناء حسن
قال المطرب أحمد سعد إنه قرر الابتعاد عن الإعلانات خلال الفترة الحالية، من أجل التركيز بشكل كامل على مشاريعه الفنية، موضحًا: "أنا شايف إن الإعلانات بتضيف للمنتج أكتر ما بتضيف لي، فكنت عايز أركّز في شغلي كمطرب".
وأضاف: "ضحّيت بحاجات كتير، منها الفلوس وكمان الظهور، وده كان بيضايقني شوية، لكن كنت حابب أعمل حاجة مختلفة".
وتابع: "السنة دي شغال على مشروع كبير، بجهّز لـ 5 ألبومات، وكل ألبوم ليه فريق شغل مختلف، وده هيعمل تنوع كبير في الأغاني اللي هقدمها".
وعن حفله الأخير، قال إنه استمتع بالتواجد في أبو ظبي ضمن حفلات عيد الفطر، مضيفًا: "مبسوط جدًا إني كنت مع الجمهور هناك، وكل سنة وأنتم طيبين، وإن شاء الله دايمًا نفضل في فرح وسعادة".
