شيرين عبد الوهاب توجه رسالة لـ هاني شاكر: كلنا بندعيلك وإن شاء الله تكون كبوة وتعدي
كتب: حسناء حسن
حلّت الفنانة شيرين عبد الوهاب ضيفة في برنامج “الحكاية” مع الإعلامي عمرو أديب، من خلال مداخلة هاتفية، تحدثت خلالها عن تفاصيل عودتها الفنية الجديدة وكواليس طرح أعمالها الغنائية المقبلة.
ووجهت شيرين رسالة إلى الفنان هاني شاكر قائلة: “ألف سلامة عليك، ربنا يقومك بالسلامة وترجع لجمهورك وبلدك بخير، إحنا كلنا بندعيلك، وإن شاء الله تكون كبوة وتعدي”.
وعن عودتها للساحة الغنائية، قالت شيرين: “أنا سعيدة جدًا بردود الفعل على الأغنية، وحاسة إني رجعت للحياة من جديد، أنا دلوقتي كويسة نفسيًا جدًا، وكنت دايمًا بقول إني بغني للناس بروحي وقلبي، وعايزة صوتي يوصل لهم في كل وقت”.
وأضافت: “كل أسبوع هنزل أغنية جديدة لحد الصيف، ووحشني الغناء جدًا، وكمان في دويتو مع محمد حماقي، وعارفة إن ربنا مش هينساني، وكل أصحابي بيحبوني وواقفين في ضهري”.
واستكملت حديثها برسالة إنسانية قائلة: “لو الناس تعرف قيمة النِعم اللي في حياتها، من أبسط الحاجات زي النوم على سرير مريح أو التنفس بهدوء، كانت هتحمد ربنا أكتر، كل حاجة في حياتنا نعمة وإحنا ساعات مش بنحس بيها”.
