فيدرا تستعيد ذكرياتها مع الفنان الراحل هشام سليم
كتب: محمود عبد العظيم
أعربت الفنانة فيدرا عن حنينها الكبير للفنان الراحل هشام سليم، مؤكدة أن ذكراه ما زالت حاضرة بقوة في حياتها رغم مرور أكثر من ثلاث سنوات على رحيله، مشيرة إلى أن مرور الوقت لم يُغيّر مكانته في قلبها أو في قلوب محبيه.
ونشرت فيدرا عبر حسابها الرسمي على موقع «فيسبوك» كلمات مؤثرة استرجعت خلالها ذكرياتها معه، قائلة: «3 سنين ونص تقريبًا.. بصراحة مش عارفة الوقت ده عدى إزاي. الحياة بتجري بينا، شغل ومسؤوليات ومشاكل وحاجات كتير بتاخدنا، وساعات الواحد ما بيلحقش يحس هو حاسس بإيه أصلًا».
وأضافت: «النهاردة كان يوم طويل ومليان، ولما هديت وقعدت مع نفسي شوية لقيت هشام جه في بالي.. وقعدت أفكر إن فعلًا مش هيبقى فيه صاحب زيه تاني في حياتي».
وتابعت معبرة عن عمق العلاقة التي جمعتهما: «في ناس وجودها بيبقى حاجة نادرة جدًا، ولما بيمشوا بيفضل مكانهم فاضي مهما عدت سنين ومهما قابلنا ناس، وحشتنى يا هشام».
واختتمت رسالتها بكلمات مؤثرة: «واعتقد إن قليل أوي من الناس فى الدنيا كانوا محظوظين إن يبقى عندهم صاحب زيك. وأنا من الناس دى.. ربنا يرحمك».
