فيدرا تهاجم أحد الأشخاص المتابعين لها

خرجت الفنانة فيدرا عن صمتها، معبّرة عن غضبها الشديد تجاه أحد متابعيها، بعدما نشر مقطع فيديو يوثق هجوم كلاب على قطة حتى نفوقها، معتبرة أن ما حدث يعكس غياب الإنسانية.

ونشرت فيدرا مقطع فيديو عبر حسابها الرسمي على «فيسبوك»، وجّهت خلاله انتقادات حادة لصاحب الواقعة، قائلة: “لو حد كاتب بوست مش عاجبني مبردش، في واحد عندي دايمًا بيكتب بوستات مستفزة بالنسبالي كمحبة للحيوانات، نزل فيديو لكلاب بتهجم على قطة وبتقتلها، بس دي طبيعة الحال بينهم، هو بقى واقف بيصور وكاتب أنا كنت عايز أنقذها بس الكلب الأبيض اللي ورا منعني، زقك يعني ولا عملك ايه، ده أنت لو رميت طوبة على كلاب في المدينة بيجروا، سيبتهاغ تموت وكنت واقف تصور شئ طبيعي بيحصل في العالم كله، أنت أهم حاجة عندك أنك تثبت للعالم بصوا الكلاب الوحشة، أنت فين يا جميل يااللي مش شراني، ده غير الأذى النفسي اللي أثرت بيه على الناس بسبب الفيديو ده، ما هي ماتت خلاص، اللي فارق معايا بجد هو: إزاي إنسان يقف يتفرج على روح بتتقتل، ويقول “حاولت وما قدرتش”، وهو في نفس الوقت واقف بيصور بكل هدوء؟، الأهم عنده إنه يثبت وجهة نظره، حتى لو الثمن كان روح بتتقتل قدامه، فيه فرق كبير بين إنك توثق حدث، وإنك تختار تبقى متفرج على المأساة، انت مش صح، انت مؤذي لينا كلنا.”

وأكدت فيدرا خلال حديثها أن المشكلة لا تكمن فقط في الواقعة نفسها، بل في السلوك الإنساني المرتبط بها، مشددة على أن تصوير مثل هذه المشاهد دون محاولة حقيقية لإنقاذ الكائن الحي يُعد تصرفًا غير مقبول ويترك أثرًا نفسيًا سلبيًا على المتابعين.