حسام حسن: كل اللي اتقال عن توتر علاقتي مع صلاح غير صحيح.. البعض مكنش عايزنا في المنتخب
كتب: محمود جودة
نفى حسام حسن، المدير الفني لمنتخب مصر، صحة ما تردد بشأن وجود توتر في علاقته بقائد المنتخب محمد صلاح مع بداية توليه المسؤولية الفنية للفراعنة، مؤكدًا أن تلك الأنباء لا أساس لها من الصحة.
وقال حسام حسن، خلال استضافته في برنامج "معكم منى الشاذلي"، إن الحديث عن وجود خلاف مع محمد صلاح انتشر بسبب عدم وجود قبول إعلامي للجهاز الفني، مضيفًا: "الكلام اللي اتردد عن توتر علاقتي بمحمد صلاح أول ما جيت عشان أنا عصبي غير صحيح، والكلام ده انتشر عشان مفيش قبول إعلامي تجاهنا، والأهم إن فيه قبول من الجمهور بتاعنا."
وتحدث المدير الفني لمنتخب مصر عن أسلوبه في إدارة المباريات، مؤكدًا أن حماسه وانفعاله على الخط لا يعني العصبية، بل يعكس تفاعله مع مجريات اللقاء، قائلًا: "هي مش عصبية، إيه رأيك أبقى زي الأجنبي وأقعد حاطط رجل على رجل وماسك ورقة، والناس تقول بص الذكاء شوف الراجل قاعد إزاي، ويبقى المنتخب يكسب يخسر مش فارقة."
وأضاف: "أنا مش مدرس، اللعبة فيها ردود أفعال كتير، واللاعب المصري لازم يحس إن المدرب بتاعه عايش الماتش لحظة بلحظة وواقف على الخط بيتابع وبيوجّه."
