«سامحنى إنى مش جنبك دلوقتى».. بشرى تكشف تفاصيل آخر لقاء جمعها بالراحل سمير صبري
كتب: نسرين إبراهيم
كشفت النجمة بشرى، عن تفاصيل آخر جمعها بالفنان القدير سمير صبري، الذي رحل عالمنا اليوم بعد صراع مع المرض في الآونة الأخيرة عن عمر يناهز 85 عاما.
ونعت بشرى الراحل عبر صفحتها الشخصية على "إنستجرام" بعد نشرها صورة تجمعهما من اللقاء الأخير، قائلة: "إنا لله وإنا إليه راجعون، مش قادرة أصدق، مش قادرة أصدق، اللهم لا اعتراض .. يا حبيبى يا سمير يا استاذى ويا صاحبى .. الله يرحمك ويحسن اليك ويسكنك فسيح جناته يا من عملت خير لو عشنا أعمار فوق اعمارنا والله ما نقدر نوفيك حقك ولا نردلك عشر اللى عملته مع خلق الله كلهم، يا حبيبى يا غالى".
وتابعت: "اخر مرة مكنتش عايزنى امشى بس غصب عنى قلتلك لازم أسافر وعندى شغل ما ينفعش يتأجل.. سامحنى إنى مش جنبك دلوقتى بس أنت خلاص رايح للى أحن منى ومن الكل ورب العالمين استرد أمانته".
واختتمت:" هتوحشنى قوى قوى قوى .. الله يرحمك، ربنا بيحبك وحسن الخاتمة فى يوم جمعة و ساعة مفترجة... ارجوكم ما تفوتوش الصلاة عليه ده عمره ما ساب حد فى ضيقة او عمره ما فوت واجب... لا اله الا الله ...لا اله الا الله".
View this post on Instagram
