عمرو أديب لـ شاكيرا: «اللى جاب بيكيه يجيب ألف غيره.. إحنا هنا بتوع الطبطبة»

علق الإعلامي عمرو أديب، بشكل ساخر على خيانة "بيكيه" قائد فريق برشلونة للمطربة شاكيرا، مؤكدا أن الخيانة ليس لها علاقة بالجمال.

وأضاف "أديب" خلال برنامجه "الحكاية" مساء اليوم الجمعة: "كلنا بنحب شاكيرا واللي حصلها أمر صعب، وفيه شيطان بييجي للراجل وبيخون مراته".

وتابع: "كان فيه إشاعات من فترة إن بيكيه كان على علاقة بأم لاعب في برشلونة، وعرفنا تاني يوم بأنه ملوش علاقة بيها، وطلعت واحدة تانية".

واستطرد: "أنا شفت صورة اللي خانها بيكيه بصراحة شاكيرا أحلى منها مليون مرة وبرقبتها، بيكيه عاجباه البت دي وخلاص".

ووجه عمرو أديب رسالة طريفة للمطربة شاكيرا، في نهاية حديثه قائلا: "يا ست شاكيرا الدنيا مليانة بألف واحد زي بيكيه، وبقولها لا تحزني يا أختي اللي جاب بيكيه يجيب ألف غيره إحنا هنا بتوع الطبطبة، وأي طبطبة إحنا موجودين لأننا نحبك ونقدر فنك".