رحمة حسن: كلب ضخم عضني في منطقة حساسة
كتب: نسرين إبراهيم
كشف الفنانة رحمة حسن، عن إصابتها بعضة كلب في منطقة حساسة أثناء سيرها في الشارع، وتعرضها لنزيف شديد حيث تتلقى حاليا العلاج.
وروت "رحمة" تفاصيل الحادث عبر حسابها الرسمي على "إنستجرام"، قائلة: "مساء الخير، إمبارح الساعه ١١ بليل كنت نازله أجيب حاجه من السوبر ماركت جمب البيت، وكنت ماشيه علي الرصيف وكان في عربيه بتركن جمبي عادي، فجاه الباب اتفتح ولقيت كلب (جيرمن شيبرد) تقريبا مَش متاكده أوي، بيهجم عليه بكل قوته، طبعا حاولت أجري لكن للاسف الكلب كان قوي وشرس ووقعني علي الارض، حاولت اقوم وأجري وصاحبته حاولت تشده، بس فك الليش بتاعه وعضني عضه كبيره وغويطه بنابه في منطقه حساسه".
وأضاف، "صاحبة الكلب كتر خيرها أخذتني فورا علي مستشفي إمبابه، إدوني حقنه تطعيم الكلب ولسه فاضلي 4 هاخدهم خلال شهر، بس المشكله إن من إمبارح الجرح بينزف دم كتير، وأنا طبعا خايفه ومصدومة".
وتابعت، "تعبانه وعندي تروما من امبارح، وإلي واجعني أكتر إني مَش عارفه اتصرف إزاي.. خصوصا إني أكيد مَش عايزة الكلب يتأذي، بس كمان مَش عايزه أي إنسان كمان يتأذي ويتعض ويتبهدل في الشارع زيي.. أنا كنت بشوف الكلب ده دائما مع صاحبته بتمشي بيه في الشارع جمب البيت عندي، وعشان شكله شرس كنت بأمشي بعيد عنه لما بشوفه، امبارح صاحبت الكلب قالتلي متخافيش هو عض ولادي قبل كدا وتمام محصلش حاجه!".
واستكملت: "طبعا أنا اتصدمت لما عرفت إنها مَش أول مره الكلب يعض حد، ومع ذلك هي سايباه عادي في الشارع من غير كمامه أو حد قوي يمسكه.. بجد حرام عليكم، الكلب لما بيكون حجمه كبير وشرس بيعتبر سلاح، وصاحبه مسؤول مسؤوليه كامله عنه ويحاسب علي اهمال مسؤوليته، خصوصا لو إهماله تسبب لشخص تاني في أذي بدني يحتاج أكتر من 21 يوم علاج وأذي نفسي ماعرفش هايحتاج قد إيه عشان يخف".
واستطردت، أنا كنت بحب أنزل احط أكل ومايه للكلاب والقطط تحت البيت، دلوقتي أنا حقيقي مرعوبه أقرب منهم وخايفه جدا".
واختتمت، أنا اسفه طولت عليكم بس أنا بجد مَش عارفه المفروض أعمل إيه عشان محدش تاني يتأذي".
View this post on Instagram
