ميار الببلاوي تستغيث بجمهورها: إيه الدنيا دي ابنى تعبان وبيموت بين إيدي

كشفت الفنانة المعتزلة والإعلامية ميار الببلاوي عن أحد المواقف السيئة التى تعرضت لها أثناء انشغالها بمرض نجلها الذي كان يستعد لأداء امتحان آخر المواد الدراسية البكالوريوس.

وكتبت "الببلاوي" عبر صفحتها الخاصة بموقع "فيس بوك": "إيه ده إيه الدنيا دى إيه الناس دى إيه الواحد عايش فى كوكب لوحده ملهوش حد ولا يفرق مع حد كلوا يالا نفسى ولو ليه مصلحة يعملك نفسه مروحة ولا ملوش متلزموش".  

وتابعت: "دى كلمة ست طيبة لقتنى ببكى فى المسجد بتاع المقابر وقالتلى دموعك غالية وفريها الجايات كتير والله استغربت كلامها وكأنها بتأهلنى للى جاى النهاردة".  

واستطردت: "ابنى من الصبح بيموت بين إيدى بيرجع وبيتلوى من المغص ودكاترة داخلة ومحاليل وحقن وأدوية وبكرة امتحانه الصبح لأنه فى بكالوريوس ودى آخر مادة طبعا كدة خلاص مفيش أمل إلا بمعجزة من عند ربنا لإنه رايح رأس فى رأس والسخونية ٤٠ ألاقى حد حقير كلمنى وبحكيله إن ابنى تعبان وبيموت من المغص وبيصرخ يطلب الطلب اللى هو عاوزه ويقفل".

واختتمت: "عاوزة اقول الله مايحوج حد لحد بس بعد الضنى مفيش وكده حلو أوي".  

يذكر أن، آخر أعمال ميار الببلاوي، مسلسل "ستات قادرة" عام 2016، وشاركها بطولته عبير صبرى، نجلاء بدر، ريهام سعيد، هياتم، أحمد عبد الله محمود، منى ممدوح، كريم مغاورى، وغادة شريف، ومن إخراج أحمد عاطف.