السيسي: لتر البنزين وصل 40 جنيه بالخارج..عملنا أقصى حاجة لضبط الأسعار
كتب: رحاب جمعة
تحدث الرئيس عبد الفتاح السيسي، خلال افتتاح مشروعات الإنتاج الحيواني والألبان بمدينة السادات، عن أسعار البنزين والوقود.
قال الرئيس: "لو كان تكلفة الطاقة في مصر اتعاملنا بيه طبقا للأسعار العالمية كان حصل قفزة كبيرة جدا في التكلفة، بمعنى إن اللي بينقل منتجاته داخل مصر ما زال بيدفع تكلفة وقود 50 % وأقل من 50 %لتر البنزين بـ 2 دولار يعنى 40 جنيه".
وتابع الرئيس: "بقول ده للمصريين علشان يعرفوا إن الواقع اللي عندنا ده أقصى حاجة ممكن نعملها لضبط والسيطرة على الأسعار، طبقا للي حصل في العالم النهاردة بتكلم عن برميل البترول 120 دولار طيب لو بقا 150 دولار؟.
وأضاف: "بلدنا توقفت 50 سنة، متفكرش ولا تكبر، والبلد كبرت قوى ومصر كبرت كحجم لكن قدراتها مواردها ما زادتش زيها، فغصب عنك وعننا مش هينفع معدلات العمل مش هاتبقى متسارعة، لازم تبقا قفزة تجرى وتنط، طيب نمشى براحة مش هينفع بالفعل متأخرين كتير"
