ريهام حجاج للمعلقين على قضية نيرة أشرف: أنتم مش حمل ذنوب

علقت النجمة ريهام حجاج، على الجدل المثار حول قضية نيرة أشرف طالبة المنصورة التي قتلها زميلها، بهدف الانتقام منها بعدما رفضت الزواج منه، منتقدة خوض البعض في تفاصيل القضية وقضايا أخرى دون علم بكافة الأمور الداخلية.

وكتبت "حجاج" عبر حسابها الرسمي على "فيسبوك": "الناس إللي في أي قصة دايما لازم تخش في تفاصيل، اللي بتكون كلها غلط وإشاعات وأكاذيب عشان مصدرها السوشال ميديا، وتبتدي تدي أراء والأراء تتحول ليقين، واليقين يتحول لأحكام، والأحكام دي يدافعوا عنها بالشتايم والغلط والخوض في الأعراض، وكمية سيئات و كبائر رهيبة".

وأضافت: "الموضوع دا مش بس في قضية نيرة وملابسات الموضوع وإيه اللي حصل ووصل لكدا والخوض في بنوتة هي دلوقتي في دار الحق ، لأ هو عرض مستمر علي كل حدث وكل موضوع و كل صورة و كل تريند".

وتابعت: "يا جماعة، أولا أنت ماعشتش القصة بتفاصيلها أصلا فمفروض تحكم علي النتيجة الأخيرة فقط إللي هي ببساطة، قتل يتعدم ونقطة خلص الموضوع".

واختتمت: "حقيقي أنتم مش حمل حجم الذنوب إللي بتاخدوها ليل نهار من التهم والشتايم إللي بتوزعوها علي السوشال ميديا، إللي في الغالب كمان كبائر مش ذنوب لأن الإذاء بالناس تاني الكبائر بعد الشرك بالله، ذنوب كتير أنت في غني عنها وحاتتحاسب عليها وغفرانها مرهون بإن الشخص نفسه يسامحك.. يا بتاع ربنا يا متدين".