مرتضى منصور: نيرة أشرف اتقتلت مرتين.. ليه بقينا بالقذارة دي
كتب: محمود جودة
أكد المستشار مرتضى منصور رئيس مجلس إدارة نادي الزمالك حزنه الشديد لما يتم تداوله في الإعلام بشأن نيرة أشرف فتاة المحلة التي قتلت على يد شاب مذبوحة أمام جامعة المنصورة.
وطالب المستشار مرتضى منصور بضرورة التوقف عن التطرق للفتاة، معتبرًا أن ما يحدث أصبح غير مقبول بالمرة.
وقال مرتضى منصور في فيديو نشره على صفحته الرسمية بموقع "يوتيوب": "نيرة أشرف هتك عرضها في الإعلام.. احنا ليه بقينا بالقذارة دي.. البنت اتقتلت مرتين، مرة بجد والمرة التانية الناس بتقتل في عيلتها وسمعتها، إيه القرف ده".
وأضاف: "إيه الشيزوفرينيا اللي بقينا فيها دي، أول ما البنت اتقتلت كله تعاطف وطالبوا بإعدام القاتل، وأول ما خد حكم بالإعدام الكل تعاطف فيه، إيه ده؟.. الرحمة مطلوبة".
واستكمل: "كنت مستني من الإعلام يطلع يتكلم مع الشباب إن العلاقات العاطفية بيحصل فيها زي اللي حصل مع نيرة، وبيسيبوا بعض ويرجعوا، وياما هيقابلوا، بدل ما هما نازلين شتيمة في البنت شوية وشتيمة في الواد شوية".
