«نفسي مراتي اللي تدفني».. تصريحات صادمة لـ مصطفى كامل في «الترابيزة»

حل الفنان مصطفى كامل مع الإعلامية أميرة بدر في برنامج على "الترابيزة" عبر شاشة قناة الشمس الفضائية، وكشف عدة أسرار عن حياته الشخصية لأول مرة، وعن رأيه في قضية شيرين عبد الوهاب وطليقها حسام حبيب. 

وفي هذا السياق، ترصد "العاصمة" أبرز تصريحات الفنان مصطفى كامل..

- أنا من أكتر الفنانين اللي اتهاجموا حتى بعد أغنية "تسلم الأيادي" وفي قمة نجاحي اتهاجمت، وأبويا وهو بيحتضر قلت له هسيب الفن، قالي أوعى، وأقف وحارب.

- كلت علقة في ثانوية عامة من أبويا كسرلي كل حاجة ماكنتش نافع بتعريفة والعلقة دي غيرتني.

- نفسي مراتي هي اللي تدفني، لأنها دي ست أصيلة وبحبها جدًا.

- شيرين عبد الوهاب اللي في قلبها على لسانها، وعايز أكلمها أطبطب عليها، وبقول لحسام حبيب لم أنت الموضوع.. أنا بحب شيرين عبد الوهاب جدا وواضح أنها تعبانة وربنا يشفيها".

- «نقابة الموسيقيين» بها كل أنواع الفساد.. وبرفض الترشح لمنصبها عشان عايز أربي ولادي.

- معروف عني أني مش بحب الظهور الكتير، ما ينفعش الفنان يكون بغبغان، لازم يكون عنده حاجة جديدة يقولها علشان يوحش جمهوره.