مجدي عبد الغني يهاجم سيد عبد الحفيظ: «لما كنت بجيب بطولات كنت لسه شبل مجاش من الفيوم»

شن الكابتن مجدي عبد الغني، هجومًا على سيد عبد الحفيظ مدير الكرة في النادي الأهلي، وذلك على خلفية تصريحات مرتضى منصور رئيس نادي الزمالك عن واقعة الممر الشرفي على قناة "الشمس".

وقال "عبد الغني": "لما اتشتمت في قناة الأهلي وأنا نجم من النادي الأهلي، ومن أساطير النادي، شاء من شاء وأبى من أبى، ليه أنت سكت مردتش ليه؟، هو حلال ليك وحرام عليا".

وتابع: "هل يا كابتن سيد حرام علينا نجيب ناس تتكلم وتقول رأيها، وحلال عليكم، واحنا اتشتمنا في قناة الأهلي، مضيفًا: "لما اتشتمت في قناة الأهلي من قبل شاب صغير وأنا نجم من النادي الأهلي، ومن أساطير النادي، بالورقة القلم شاء من شاء وأبى من أبى، ليه أنت سكت مردتش ليه؟!، هو حلال ليك وحرام عليا".

واستطرد: "لما كنت بلعب درجة أولى وأجيب بطولات كان سيد عبد الحفيظ لسه شبل مجاش من الفيوم على النادي الأهلي".

واستكمل: "كان ممكن نموت في أي لحظة واحنا في النادي زى ما حصل مع فريق زامبيا قبل كده، واحنا شفنا الموت أكتر من مرة واتبهدلنا في مطارات إفريقيا وكان طالع عين ابونا وعلى الرغم من كده حققنا بطولات، مشيرًا لـ: أعتقد يا كابتن سيد أنت مجبتش البطولات اللى احنا جبناها، واحنا جلنا كان جيل الوحوش سواء الخطيب ومصطفى عبده وغيره".

وأردف: "أنا ابن حاج عبدالغني سيد أحمد، الحاج أحمد اللي كان بيملك نص الوراق وروض الفرج وكانت الناس متقدرش تعدي من قدام مكتبه أنا بقولك أنا ابن مين".

وواصل: "لما المستشار مرتضى منصور اتكلم على الممر الشرفي ليس من حقي الرد عن الكابتن سيد عبد الحفيظ ولا أعلم سبب عدم تواجده داخل الممر ولا أعلم ما هو الموضوع".

واختتم الكابتن مجدي عبد الغني بقوله: "لو خسر الأهلي الدوري هذا الموسم ستتم إقالة سيد عبدالحفيظ وسيفقد منصبه"، وجاء ذلك خلال برنامجه "البلدوزر"، المذاع على فضائية "الشمس".



أقرأ المزيد: أول رد من مجدي عبد الغني بعد اتهامه بالاعتداء على فرد أمن بستاد القاهرة