بسنت حميدة: أحسن الظن بالله.. وتوقع حدوث الأفضل دايما حيحصل
كتب: محمود جودة
قدمت العداءة المصرية بسنت حميدة عددا من النصائح لمتابعيها للوصول إلى طريق النجاح في الحياة، والتخلص من الإحباط، في منشور عبر حسابها على موقع "انستجرام".
ونشرت بسنت حميدة: "في عز لحظات الإحباط اللي مريت وبتمر ويمكن هتمر بيها معلش ركز معايا لحظات تانية أبسط منها.. تأمل معايا كل إللي حصل ليك النهاردة من أول م صحيت لحد دلوقتي قمت من النوم من على سريرك يعني مكنتش علي سرير في مستشفى".
وأضافت: "كان حواليك حطان بيتك ما إنت مكنتش لاجئ في مخيم.. فتحت ثلاجتك وقعدت بمزاج تنقي فطارك يعني مفيش فقر ولا مرض على نوع معين من الأكل جابرك.. فتحت دولابك وأعدت ببساطة تختار لبسك لأنك مش ملزم بطقم واحد ولا إثنين هم كل إللي عندك.. قبلت في الشقة إللي صبحت عليه يعني متحرمتش من أهلك وحبيبك".
واستكملت: "أخدت عربيتك أو ركبت موصلتك المهم إنك مكنتش محتاج لحد يسندك أو بكرسي متحرك يحركك.. وصلت شغلك أيا ما كان بالسلامة وغيرك معندهوش شغل ولا داء في يوم طعم السلامة".
كما كتبت بسنت حميدة: "كل ده حصل في أول كام ساعة من اليوم بس ولسه اليوم مخلصش ولسه النعم ما خلصتش ولسه الفضل م انتهاش وتقول برضه إنك قايم زعلان أو قايم متضايق أو ملكش نفس تعمل حاجة".
واختتمت منشورها بقولها: "جدد طاقة الشكر جواك.. توقع حدوث الأفضل دايما حيحصل الأفضل فعلا.. ولو محصلش أديك عشت في عباده إسمها حسن الظن ب الله الحمد لله حتى يبلغ الحمد منتهاه".
