أزاي تتعامل مع ابنك الراسب بالثانوية العامة.. أستاذة طب نفسي: «مش هينفع كلنا نبقى دكاترة»

قدمت الدكتورة هدى سالم، أستاذ الطب النفسي، خلال لقائها في برنامج مساء Dmc عبر قناة دي إم سي، نصائح لطلبة ثانوية عامة قالت فيها أنه على الآباء أن يكونوا مطمئنين أن أبنائهم على قيد الحياة، وإن المجموع ليس نهاية المطاف: "الحمدلله أنه عايش مبسوط وسوي نفسيا، وموجود في بيتي وحضني ده الدنيا وما فيها".

وأوضحت سالم، أن هناك بعض الأخطاء التي يقع فيها معظم الآباء وهو الاهتمام المبالغ بالتعليم، دون الصحة النفسية أوالعقلية خلال نتيجة الثانوية العامة، موضحة: "في حالة بنت كانت بيتم التنمر بيها في المدرسة طول الوقت وأهلها صمموا تفضل في نفس المدرسة، وكبرت وبقت دكتورة ولكن مش قادرة تتعامل مع العالم الخارجي، ولا المجتمع والناس، ده دمرلها نفسيتها ووالدتها ندمت وقالت يا ريتني اهتميت بصحتها النفسية".

وتابعت الدكتورة هبة سالم: "المشكلة كبيرة لو الأب قال لو مجبتش مجموع عالي مش هعرفك، مش هينفع كلنا نبقى دكاترة، وطول ما ابنك بخير لازم تكون مبسوط وممتن لده جدا، وميبقاش بيني وبين ابني جدار عازل، لازم نعمل 30 يوما سعادة من بعد النتيجة".

واختتمت حديثها قائلة: "حتى لو محصلش مجموع كبير، لله الأمر من قبل ومن بعد طالما عملت اللي عليك يبقى اللي حصل نصيب وقدر ودي ثقافة التقبل والتأقلم والرضا لازم ده يحصل مع النتيجة".