«هو أنتوا ملايكة؟».. تسريب صوتي لـ رضا عبد العال يثير غضب جماهير الأهلي

تداول نشطاء مواقع التواصل الاجتماعي مقطع صوتي مسرب لرضا عبد العال نجم الأهلي والزمالك السابق، أثارت غضب جماهير القلعة الحمراء.

وقال رضا عبد العال في تسجيل صوتي مسرب أرسله لمشجع أهلاوي عبر الواتس آب: "أنا مش عارف الدوري معمول ليه؟ عاوز تلعب ماتشين برة الإسماعيلية؟ يا إما تنسحبوا بقى ماتقرفوناش".

وأضاف: "أنت خايف تروح المصري وخايف تروح الإسماعيلية وكله في الإسكندرية، والمشكلة انك بردوا ما اخدتش دوري، وتقولي ضربوك، هو انتوا ملايكة؟".

وواصل: "تلاقيكم انتم اللي استفزتوهم فهما ضربوكوا، مش فاكر بتوع المصري لما موتوكوا، أنا مش عارف انتم عاوزين ايه بالظبط؟ عاوزين البلد تولع؟".

وتعرضت حافلة جماهير النادي الأهلي للجوم من قبل بعض جماهير الإسماعيلي قبل المباراة التي جمعت بين الفريقين أمس الأحد وانتهت بالتعادل السلبي والمؤجلة من الجولة 18 من مسابقة الدوري.