المطرب فارس لـ«العاصمة»: «سوق الغناء اتغير.. التريند دلوقت بيتصنع والزن اللي بيجيب»

أكد المطرب فارس أن السوق الغنائي تغير كثيرًا في السنوات الماضية، ولم يعد به مؤشرات أو معايير نجاح ثابتة.

وقال فارس لـ"العاصمة": "الأمور والمسائل اتغيرت، وبقى معطيات جديدة ولما بعدت في الفترة الأخيرة بقى فيه تنوع في الأغاني، يعني فيه حاجات جيدة وحاجات دون المستوى، وسألت نفسى لما أرجع هغني إيه؟ فأول ما بدأت لما اتعرض عليا "عصبي" لقيتها في نفس سكة "بحبك وبموت فيك" اللي لحد وقتنا هذا ناجحة".

وتابع: "فغيرنا بقى وعملنا أغنية "روجي ك"، بس لسه موصلتش للناس الآلية اختلفت حاليًا، زمان كنا بنعمل "كاسيت" أو "سي دي" كان الجمهور بيروح يشتريه بنفسه فبيلاقي ألف "كاسيت" فبيختار اللي هو عايزه ويدفع فلوسه، دلوقت "التريند" بيتصنع والزن بيجيب نتيجة "التيك توك، مضيفًا: "فالدنيا اتغيرت وشايف أن زمان كان الموضوع "فير" أكتر".

يذكر أن، أغنية "ست البنات" هي آخر أعمال فارس الغنائية قبل ابتعاده عن الساحة الفنية من كلمات أحمد سامي وألحان محمد النادي.