بعد حديثه عن المخرجين.. مدحت تيخا: «مش خايف والأرزاق على الله»
كتب: نسرين إبراهيم
علق من جديد الفنان مدحت تيخا، بعد تداول تصريح له ينتقد فيه بعض المخرجين الذين يحصرون أصحاب الوزن الزائد في الأدوار الكوميدية، وهو ما دفع بعض لأصدقائه للاتصال به وتأكيدهم على أن ما ذكره قد يغضب البعض منه وهو ما يؤثر مستقبليا على عمله.
وقال مدحت تيخا في منشور له عبر حسابه على «فيسبوك»، معلقا على اتصالات أصدقائه له: «في ناس فنانين للأسف بعتالي ماسنجر وبيقولولي أنت ليه كلمت الصحافة وكبرت الموضوع وممكن المخرجين يزعلوا منك».
وتابع: «أولا ..أنا قولت معظم المخرجين مش كل المخرجين لأن في مخرجين كبار وثقوا فيا وقدموني بشكل مختلف زي الأستاذ محمد فاضل، والأستاذ حسني صالح، والأستاذ وسام المدني».
واستكمل قائلا: «ثانيا ..أنا أقسم بالله ماكلمت أي موقع ولا صحفي هما اللي كلموني بعد ما البوست بتاعي انتشر بشكل كبير وفي مواقع مكلمتنيش وشيرت علي طول من غير ما أعرف وحتي الخبر اللي منزلاه النجمة الرقيقة بشري أنا معرفش عنه أي حاجة غير لما نزل».
واختتم تيخا حديثه قائلا: «بقول لكل اللي خوفوني .. الرزاق هو الله وأنا رزقي علي الله.. وأسف علي الإطالة».
وكانت قد قامت الفنانة بشرى بدعم مدحت تيخا بعد انتشار تصريح له عبر «فيسبوك» قال فيه: «هو ليه معظم المخرجين حاليا شايفين أن الممثل التخين ميعملش غير كوميدي وبس، وإن أدواره محدودة، هو مفيش شرير تخين؟ مفيش تخين بيحب؟، أنا أهو حبيت واتحبيت واتجوزت».
وأضاف: «مفيش نصاب تخين؟ مفيش رجل أعمال تخين ؟، مفيش مدرس تخين؟ مفيش تخين في الجامعة للدرجادي الرفيعين أشرار، ده حتي في مصر معظم الشعب تخان وزي القمر والعسل».
