«بالسلامة».. رد ناري لـ مفيدة شيحة على هروب الشباب من العلاقة العاطفية (فيديو)
كتب: منى صموئيل
خصصت الإعلامية مفيدة شيحة، في برنامجها «الستات» المذاع عبر قناة «النهار وان»، مساء اليوم السبت، فقرة ناقشت حجج الهروب من أي علاقة بعنوان "تستاهلي حد أحسن مني.. خطة جاهزة للهروب من الارتباط"، قائلة :"يلا مع السلامة".
وخلال الفقرة قالت مفيدة شيحة، :"البنات عندها فزاعة اسمها الفريند زون!، وكلمة بحبك زي اخويا!، وإحنا أكتر من أصحاب، احنا اخوات! والجمل دي عند البنات مش للهروب أبداً، لكن من الاول بتحدد العلاقة في مساحة الصداقة و الأخوة، و معناها انها مش معجبة بيه كراجل، مش جذاب ليها كزوج محتمل، فبيفضل محصور في خانة الصداقة ".
وأضافت: "رغم أنها مش معجبة بيه كراجل و شايفه انه معجب بيها الا انها بتقرر تحتفظ بيه في شكل مجمد و هو الصداقة، وهو بيحبها و بيظهر ده طول الوقت و هي تستقبل كل حبه وترجمه انه اخوه وصداقة، و ده منتهي الاستغلال و الابتزاز".
وتابعت: استخدام عاطفة انسان في مقابل الشعور بالمحبة او الأمان و أحيانا الاستغلال المادي، بتعمل صدمات ربما لا يشفى منها الشخص طول حياته! و أصبح خطر جداً.
وأكملت شيحة، مؤخراً ظهرت حالات عنف ضد البنات في الجامعة لما استغلوا عاطفة زميل لهم في الاستفادة و المذاكرة.
