وزير النقل: اليابانيون والألمان بيقولوا مصر بتتطور ومعجبين بينا بشكل غير عادي

أوضح الفريق كامل الوزير، وزير النقل، أن محطة عدلي منصور حصلت على أفضل مشروع نقل في العالم 2022، مؤكدًا أن اليابانيين والألمان معجبون بتطور مصر بشكل كبير خلال الآونة الأخيرة.

وقال الوزير: "ببارك لكل المصريين، شوفوا لما مصر بتعمل حاجة، شكل مصر قدام الناس بره بيبقى إيه".

وتابع: "لما محطة عدلي منصور تاخد أفضل مشروع نقل في العالم عام 2022، ده فخر لكل المصريين"، مضيفًا: "وإن شاء الله محطة سكك حديد مصر في منطقة "بشتيل" تحصل على أفضل مشروع نقل في العالم في 2023".

واستطرد: "الألمان واليابانيين،  الناس اللي بتشتغل 24 ساعة شايفنا كويس أحسن ما احنا شايفين نفسنا، بيشكروا في مصر أكتر ما احنا بنشكر فيها، واحنا قاعدين بنكسر في إنجازاتنا ومشروعاتنا القومية، مختتمًا وزير النقل حديثه قائلا: "الناس بره معجبة بينا إعجاب غير عادي بيقولوا أن مصر بتتطور بشكل كبير جدا"، وجاء ذلك خلال مداخلة هاتفية مع الإعلامي عمرو أديب، في برنامج «الحكاية»، على قناة «إم بي سي مصر».