حسام حبيب: بعتذر لأهلي لأنهم تعرضوا للأذى النفسي والشتيمة بسببي

وجه الفنان حسام حبيب، اعتذار لوالدته وشقيقته وأهله، بسبب الأذى النفسي الذي تعرضوا له بسببه خلال الفترة الأخيرة ومنذ زواجه من الفنانة شيرين عبد الوهاب.

وقال في تصريح لبرنامج «الحكاية» مع الإعلامي عمرو أديب: «الإهانة التي وجهت ليا ولأهلي، هي أيضا خلتني أطلع أكلم وأرد لأول مرة، علشان أطيب بخاطرهم، واعتذرلهم قدام الناس، أهلي تعرضوا للأذية وأمي اتعرضت للشتايم، أهلي أنضف من كل اللي بيحصل وبقيت مكسوف منهم وعيني بقت مكسورة منهم لأنهم ما يستهلوش كده».

وأضاف: «أنا زواجي من شيرين هو أول زواج ليا، وأنا خارج من بيت أمي وأنا عندي 37 سنة وكنت عايش معاها لحد ما اتجوزت، يعني مكنتش عايش لوحدي وعايش حياتي».

وتابع: «لو كنت بشرب مخدرات زي ما اتقال، أهلي كانوا هيسبوني كده، وأنا أهلي يمتلكون أكبر مستشفيات في مصر، أكيد كانوا هيعلاجوني، ولو عندي وسايط زي ما اتقال كنت أضربت وحصل فيا اللي حصل، أكيد لأ».

واختتم حسام حديثه قائلا: «أنا وقفت جنب شيرين وعملتلها مؤسسة وحفظت على فلوسها، واتعالجت من حد حاجات كتير، لكن ده ما عجبش اللي حواليها وخدوها من السكة دي لسكة أوحش بكتير».