الرئيس السيسي: «أنا مش بعتبر نفسي رئيسا لمصر»
كتب: بسمة فرج
أكد الرئيس عبد الفتاح السيسي، أنه عند المشاركة فى المؤتمرات واللقاءات المختلفة لا يتحدث باعتباره رئيس مصر، قائلا: "أنا مش بشارك كرئيس مصر.. وبالمناسبة ولما بقول الكلام ده الناس تفكر إني بدغدغ مشاعر الناس.. أنا مش بعتبر نفسي رئيس لمصر".
وأضاف الرئيس السيسي، خلال كلمته في الجلسة الختامية للمؤتمر الاقتصادي: "أنا إنسان طلب منه التدخل لحماية وطنه.. طب والله أنا صادق.. أصل أدبيات الرئيس حاجة وأدبيات المواطن حاجة.. وأدبيات الرئيس حاجة.. وأنا مش عاوز يعيش وخلاص".
وجه الرئيس عبدالفتاح السيسى بأن يكون المؤتمر الاقتصادى منصة اقتصادية مستقرة تلتقى كل سنة، مضيفا: "نقول كشف حساب، وأنا كحكومة وقيادة يجيلى دوريات كل 3 شهور بالإنجاز اللى إحنا بنحققه".
وأضاف الرئيس: "معملناش الحوار ده علشان نستهلك وقت وجهدكم وجهدنا وبعدين خلاص.. لا، الفعاليات اللي اتعملت والكلام اللي اتقال محترم مقدر، وملتزمون بتنفيذ التوصيات اللي تم التوافق عليها.. طيب لو الحكومة قابلت مشاكل وأكيد هتقابل، لابد يكون آليات المؤتمر مستقرة ومؤسسية وتكون موجودة مع الحكومة بشكل مستمر..علشان وإحنا متحركين في تنفيذ التوصيات قابلتنا مشكلة نتكلم فيها".
وتابع الرئيس السيسي: "بالإضافة إلى التزامنا بتنفيذ التوصيات محتاجين منصة الحوار ومتفق معاكم يبقى المؤتمر يتعمل كل سنة، وافتكروا من 5 سنين أو أكتر كنا حريصين نعمل منصة حوار ومؤتمر للشباب يتم تناول قضايا الدولة ونجحنا في المحافظات كمان، وجت كورونا والظرف الأخير و 3 سنين مقدرناش نكمل بنفس المستوى".
