بعد خصوعها للجراحة.. مي فاروق: «كان عندي مشكلة صحية وسكت عليها كتير»

حرصت المطربة مي فاروق، على توجيه رسالة لجمهورها بعد دعمهم لها في أزمتها الصحية الأخيرة، والتي أجبرتها على الخضوع للجراحة ودخول العمليات.

وقالت في أول ظهور لها بعد العملية، من خلال مقطع فيديو قصير، عبر حسابها الرسمي على فيسبوك: «أنا بعمل الفيديو ده مخصوص علشان أشكركم من قلبي على كل الحب والاهتمام اللي وصلني وأنا تعبانة، بعد ما ابتديت ما شوفت تمنيات بالشفاء والقلق، فرقت معايا وحسيت إني محظوظة جدا إن ربنا أنعم عليا بنعمة حبكم دي».

وأضافت: «بشكركم جدا، وأنا الحمد لله دلوقتي أحسن كتير، وناس كتيرة كانت بتسأل مالها وإيه اللي حصلها، مفيش حاجة أنا كان عندي مشكلة صحية وكنت ساكته عليها كتير أوي، لحد ما اضطريت أدخل أعمل عملية جراحية كده، والحمد لله عديت على خير».

وتابعت: «وبتمنى دايما أكون سبب لفرحتكم، ومكنش مصدر قلق، بحبكم كلكم وبعتبركم أهلي وكل عيد حب وأنتم بخير».

وعلقت على الفيديو، قائلة: «مليون شكرًا، لكل اللي دعمني ودعالي في أزمتي الصحية.. بفضل ربنا ثم دعواتكم وحبكم عدت على خير.. بحبكم جدًا».