هاجمه بهجت قمر.. محمود الخيامي: «من يومين قولت ياريت بهاء سلطان يرجع لنصر وناس زعلت»

يبدو أن حرب التصريحات الغير مباشرة، لن تنتهي بين الملحن محمود الخيامي، والشاعر أيمن بهجت قمر، بعد انتقاد الأول لأغنية بهاء سلطان الجديد «ندرا عليا» والتي كتبها الأخير، وهو ما أغضبه مما جعله يرد برسالة شديدة اللهجة فتح فيها النار على الخيامي.

ودفع ذلك محمود الخيامي، للرد على الرسالة الأخيرة، عبر حسابه الرسمي على «فيسبوك»، قائلا: «من يومين قولت ياريت بهاء سلطان يرجع لنصر وناس زعلت، أنا حنزل اسم كام غنوة لبهاء سلطان مع اخر غنوة نصر اختارها لبهاء وانتم أحكمو، وقولولي الجديد كله مع احترامي ما يجيش قدجملة واحدة من اختيارات نصر محروس الباشا المعلم».

وأضاف: «تعالو كدة نسمع: ياللي ماشي، يومين وعدو، يا ابن أدم، ما يردش، قوم أقف، 3 قايق، جرحني مرة، يعني اللي في عيني فعينك، قلبك يا حول الله، قالي قلبي لك، ياترى يا حبيبي، أنا مصمم».

وتابع: كفاية قديم.. نصر وهو بيسلم علي بهاء وبيقوله سلام جابله غنوة، تعالي أدلعك.. وللحديث بقية».

وكان قد وجه الشاعر الغنائي أيمن بهجت قمر، مؤخرا رسالة شديدة اللهجة لمنتقديه من الوسط الموسيقي، عقب هجوم الملحن محمود الخيامي على أغنيته الجديدة «ندرا عليا»، وقال عبر حسابه الرسمي على فيسبوك: «فيه بعض الصغيرين في الحقل الموسيقي ما اتعلموش يعني إيه زمالة، ما اتعلموش يعني إيه احترام والمفاجأه إنهم أقزام في المهنه حقيقي بشفق عليهم من الغيرة لإنهم فعلا تحت وتحت أوي والناجح الشاطر هو اللي بيفضل باصص عليهم من فوق ربنا يهديهم».

وأضاف: «بص يا حبيبي حضرتك لما شغل زمايلك ينزل من الأدب إن لو فيه حاجه ماعجبتكش تسكت لإنك هارينا أعمال رخيصه وساكتين.. أنت تنصح نفسك تنفع نفسك تخليك في نفسك يعني أنت بتنصحنا عشان نبقى في مكانتك مثلا، أنت بعيد أوي وبعيد عشان باصص على غيرك وبتلهث وراه عشان كده انت ضئيل ربنا يعينكم على نفسيتكم انا سعيد لإني مش زيكم وعمري ما كنت زيكم».